قیام جامعہ کے مقاصد

قیام جامعہ کے اغراض ومقاصد مندرجہ ذیل ہیں:

* اسلامی شریعت کے بنیادی مآخذ کی حیثیت سے قرآن وحدیث کی سلفی نہج پر تدریس اور عربی زبان وادب نیز دیگر مفید علوم کی تعلیم ۔

* اسلامی تعلیم کی نشر واشاعت اور مخالفین اسلام کی علمی تردید کے لئے اسلام کی ہمہ جہتی ثقافت سے بہرہ ور صالح دعاۃ اور مصنفین کی فراہمی ۔

* بدعتوں اور مخالف دین رسموں کا خاتمہ، تخریب کار تحریکوں اور الحادی گمراہ کن نظریات سے مسلمانوں کی حفاظت ، جنہوں نے مسلم سماج کی روحانیت اور تشخص کو ختم کر دیا ہے۔

* مسلم صفوں میں اتحاد پیدا کرنے، تمسک بالکتاب والسنۃ کی طرف لانے اور علمی تحریکوں نیز تہذیبی قافلوں میں شریک ہونے پر آمادہ کرنے کی سنجیدہ کوشش ۔

* عالم اسلامی کے تعلیمی مراکز اور اداروں کے درمیان باہمی تعاون ، امت اسلامیہ کے نوجوانوں کی دست گیری اور ان کی دینی روح بیدار کرنے اور اسلام کے بلند تعمیری اصولوں کی طرف ان کی رہنمائی کی کوشش۔